ఇప్పటి వరకూ రెడ్, బ్లూ రంగుల్లో ఉండే వక్ర రేఖలను జాతీయ జెండా రంగులను పోలిన ఆకుపచ్చ, తెలుపు రంగుల్లోకి మార్చింది. భారతదేశం చిత్రపటాన్ని కూడా లోగోలో జోడించింది. ఇండియా మ్యాప్‌ కాషాయం రంగులో కనిపిస్తోంది. ‘బీఎస్‌ఎన్‌ఎల్‌.. కనెక్టింగ్‌ భారత్‌. సురక్షితంగా, చౌకగా, విశ్వసనీయం’ గా అని ఇంగ్లీష్‌లో క్యాప్షన్‌ ఇచ్చింది. ఇదివరకు ‘కనెక్టింగ్‌ ఇండియా’ ఉండగా.. ఇప్పుడు దానిని ‘కనెక్టింగ్‌ భారత్‌’గా మార్చుతూ నూతన లోగో ఆవిష్కరించింది.
కొత్త సర్వీసులు ప్రారంభం

పునర్‌వైభవం దిశగా అడుగులు వేస్తున్న బీఎస్‌ఎన్‌ఎల్‌ యూజర్లను ఆకర్షిస్తూ పలు కొత్త సర్వీసులను ప్రారంభించింది. ఫైబర్‌ ఇంటర్నెట్‌ వినియోగదారుల కోసం వై–ఫై రోమింగ్‌ సేవను ఆవిష్కరించింది. దీని ద్వారా యూజర్లు అదనపు ఛార్జీలు అవసరం లేకుండానే బీఎస్‌ఎన్‌ఎల్‌ హాట్‌స్పాట్‌లలో హై–స్పీడ్‌ ఇంటర్నెట్‌ను వినియోగించుకోవచ్చు. తద్వారా డేటా ఖర్చుల భారాన్ని తగ్గించడంలో యూజర్లకు దోహదపడుతుంది.

దీనికి తోడు 500లకు పైగా లైవ్‌ ఛానల్స్, పే టీవీ ఆప్షన్‌లతో కూడిన కొత్త ఫైబర్‌ టీవీ సర్వీసును కూడా ప్రకటించింది. ఫైబర్‌ ఇంటర్నెట్‌ సబ్‌స్కైబర్లు అందరూ అదనపు ఖర్చు లేకుండా ఈ సర్వీసును ఉపయోగించుకోవచ్చు. ఆకర్షణీయమైన విషయం ఏంటంటే.. టీవీ స్ట్రీమింగ్‌ కోసం వినియోగించే డేటా నెలవారీ ఇంటర్నెట్‌ డేటా పరిగణలోకి రాదు.

మరోవైపు ఆటోమేటెడ్‌ కియోస్క్‌లను పరిచయం చేయడం ద్వారా సిమ్‌ కార్డ్‌ల నిర్వహణను మరింత సులభతరం చేయాలని కంపెనీ యోచిస్తోంది. ఈ కియోస్క్‌ల ద్వారా జనాలు బీఎస్‌ఎన్‌ఎల్‌ సిమ్‌ కార్డ్‌లను సులభంగా కొనుగోలు చేయవచ్చు. అంతేకాదు ఈజీగా సిమ్‌లను అప్‌గ్రేడ్‌ చేసుకోవచ్చు. అలాగే.. సిమ్‌లను మార్చుకోవడానికి కూడా అవకాశం ఉంటుంది. ఇంకా మారుమూల ప్రాంతాల్లో కూడా డిజిటల్‌ చెల్లింపులను సులభతరం చేసే విధంగా డీ2డీ టెక్నాలజీ, 5జీ నెట్‌వర్క్‌ను అందించడానికి సీ–డాక్‌ (ఇ–ఈఅఇ)తో భాగస్వామ్యం, అలాగే.. కొన్ని సర్కిళ్లలో ఫ్యాన్సీ నంబర్లను కూడా అందుబాటులో ఉంచి ఈ–వేలం ద్వారా వాటి విక్రయించడం వంటి చర్యలు చేపట్టింది.